Gweithdy Micro-ofodwyr

Gan ddefnyddio ein pecynnau Micro:bit, bydd disgyblion yn cymryd rhan yn ein Heriau Gofod cyffrous:

  • Her: Prawf Amseru M1CR0- 1 a 2: Bydd disgyblion yn codio ac yn profi gêm amseru i weld a allan nhw ymateb mor gywir â gofodwr mewn orbit.
  • Her: M1CR0 3 Gêm Amddiffyn rhag Malurion y Gofod: Mae disgyblion yn dadfygio ac yn gwella gêm arcêd ar thema'r gofod lle mae'n rhaid iddyn nhw amddiffyn y Ddaear trwy saethu at falurion sy'n disgyn o hen loerennau cyn iddyn nhw gyrraedd y blaned.

ARCHEBU GWEITHDY

Sut mae'n gweithio

Mae'r gweithdy hwn yn cyflwyno disgyblion i dechnoleg y gofod, hanes archwilio'r gofod, a phwysigrwydd codio ym maes peirianneg yn y byd go iawn. Bydd disgyblion yn defnyddio micro:bits i ddatblygu sgiliau codio a datrys problemau wrth ddysgu am waith tîm, profi a dadfygio.

Mae'r gweithdy hwn yn addas ar gyfer camau cynnydd 3 a 4 ac mae'n para tua 2 awr ar gyfer dosbarth o 30 o ddisgyblion. Mae sesiwn fyrrach 1 awr ar gael hefyd.

Diwrnod llawn £495 (i gynnwys 2 weithdy safonol), 2 ddiwrnod llawn £850, 3 diwrnod llawn £1200.

Gallwn drafod amseroedd a dyddiadau wrth archebu'r profiad, mae gweithdy hanner diwrnod ar gael ar gais.

Mae gweithdai wedi'u hariannu'n llawn ar gael i ysgolion uwchradd yn siroedd Ceredigion, Wrecsam a Chonwy drwy ein prosiect SPF y DU.

Pam cymryd rhan

✔ Mae EESW yn darparu'r holl becynnau ac adnoddau micro:bit i gymryd rhan yn y gweithgaredd hwn.
✔ Addas ar gyfer disgyblion cynradd (Blynyddoedd 5–6) ac uwchradd (Blynyddoedd 7–8).
✔ Gallwn ddarparu ar gyfer dosbarthiadau lluosog a grwpiau blwyddyn.
✔ Dysgu trawsgwricwlaidd sy'n cysylltu gwyddoniaeth y gofod, cyfrifiadura a dylunio peirianneg.
✔ Mae disgyblion yn ennill profiad ymarferol mewn codio, dadfygio a datrys problemau.
✔ Annog chwilfrydedd am dechnoleg a gyrfaoedd STEM yn y byd go iawn.

Mae'r gweithdy hwn wedi'i fapio i:

Y Cwricwlwm i Gymru 2022

  • Maes Dysgu a Phrofiad Gwyddoniaeth a Thechnoleg
  • Cyfrifiadura a Chymhwysedd Digidol: Dylunio, ysgrifennu a dadfygio rhaglenni, deall sut mae technoleg yn effeithio ar fywyd bob dydd, datblygu rhesymu rhesymegol a datrys problemau.

 

Fframwaith Rhifedd a Llythrennedd

  • Cyfleu syniadau'n glir trwy gydweithredu a gwaith tîm.
  • Defnyddio data i gymharu.